لما يتم عمل تقييم بتاريخ ١٣/٧ ويتم اعلان النتيجة النهائية للفريق وارسال التشكيل النهائي للفرق الساعة ١٢.١٣ مساءا بتاريخ ٢٧/٧ ،ونتفاجأ برسالة الساعة ٢.٣٠ صباحا ان في خطأ فرصد الأرقام وده مش النتيجة الصحيحة ويتم تعديل ارقام بنتي فقط من ٥٧ بنت ،وتنزل من فريق أ لفريق ب ، ولما اتواصل مع لجنة الطائرة واسأل ايه اللي حصل يكون الجواب اصل في تظلم أتقدم واكتشفنا بعد مراجعة الفيديوهات ان في خطأ فدرجات بنت حضرتك !!! يعني الخطأ محدش اكتشفه طوال اكتر من ١٠ ايام اللي فاتوا واكتشفتوه بعد نزول النتيجة بساعتين الساعة ٢.٣٠ صباحا!!!! وسبحان الله الدرجات صح فال ٥٣ بنت والخطا فدرجات بنتي فقط !!! طب انا كولي امر لما انتم اكتشفتوا ان في خطا فدرجات بنتي متبلغتش ليه ؟؟ ورغم اني قدمت تظلم وشكوى فمجلس الادارة والنشاط الرياضي ولجنة الكرة الطائرة تم اعلان النتيجة قبل النظر للشكوى والتظلم اللي قدمته ،الحمدلله بنتي اي كانت نتيجتها النهائية فده بمجهودها فقطططط لأنها مأخدتش تمرينه من النادي طول العام وده بسبب التركيز على لعيبة بعينهم فالتمرين والماتشات ، ومن وجهة نظرهم ان الكابتن بيدور على اللي يكسبه ،طب هي البنت اخدت فرصة عشان تثبت نفسها !! اعتراضي اللي وصلته لاحد اعضاء اللجنة المحترمين مش ان بنتي نزلت ب لان لو حد ليه حق فعلا ياخده ، اعتراضي ان أكتر من ١٠ ايام كان وقت كافي جداااا ان لما النتيجة تظهر تبقى نهائية بدل احساس بنت بالظلم بعد ما شافت اسمها فكشوفات الفريق الأول ودرجاتها اتغيرت منغير ما تفهم ايه اللي حصل لاننا متبلغناش بأي حاجة!!!!
الحمدلله بنتي سليمة نفسيا وجسديا والجميع يشهدلها اخلاقيا ورياضيا وده اهم حاجة عندي ، الدرس المستفاد ان الشفافية مش بتبان غير بعد ٢.٣٠ صباحا وان الخطأ وارد فبنت واحدة فقط من ٥٣ بنت ، وانا فانتظار البت فشكوتي والتظلم اللي قدمته وانتظار مراجعة ومشاهدة الفديوهات اللي متصورة ب”كاميرات النادي”
